د ۱۴۰۱ کال، سلواغې ۱۲مه، پکتیا پوهنتون
د ۱۴۰۱ کال، سلواغې ۱۲مه، پکتیا پوهنتون
پکتیا پوهنتون کې د دریو خالي کادري بستونو لپاره له (۲۵) تنو څخه کادري ازموینه واخیستل شوه.
په جوړو شویو مراسمو کې د پوهنتون رئیس پوهنمل عبیدالله اخندزاده د ازموینې ګډونوالو ته څرګنده کړه، چې د پوهنتون لپاره کادري ازموینه یو شفافه پروسه ده او هیڅ ډول تخطي او درغلي پکې شتون نلري.
نوموړي له نوماندانو هم وغوښتل چې د ازموینې په دې بشپړه ارامه فضا کې دې له خپلې وړتیا ګټه پورته کړي او هیڅکله دې د نورو چانسونو او فرصتونو په تمه نه اوسي.
وروسته د علمي چارو مرستیال پوهنمل سیف الرحمن روهي د ازموینې پروسه د کادري ازموینې ګډونوالو ته تشریح کړه او له ګډونوالو څخه یې وغوښتل چې د خپلې وړتیا پر اساس دې د دوی پوښتونو ته ځوابونه ورکړي، تر څو د بست ګټونکي وګڼل شي.
نشراتو او عامه اړیکو عمومي مدیریت
