کتیاپوهنتون کې (د نباتي محصولاتو تصدیق او اعتبار ورکولو طرحې وضاحت) تر عنوان لاندې علمي سمینار وړاندې شو.
پکتیاپوهنتون کې (د نباتي محصولاتو تصدیق او اعتبار ورکولو طرحې وضاحت) تر عنوان لاندې علمي سمینار وړاندې شو.
سه شنبه د ۱۴۴۶ شعبان په ۱۲ مې نېټې د پکتیا پوهنتون علمي څیړنو معاونیت په تالار کې د علمي څېړنو مرستیال پوهندوی دوکتور عبدالوهاب حکمت له لوري (د نباتي محصولاتو تصدیق او اعتبار وکولو طرحې وضاحت) تر عنوان لاندې علمي سمینار دائر شو،چې د اقتصاد ریاست استازو،د کرنې،اوبو لګولو او مالدارۍ ریاست استازو،د صنعت او تجارت ریاست استازو،پکتیا پوهنتون ریاست د بېلابېلو پوهنځيو استادانو او اداري کارمندانو پکې ګډون درلود.
نوموړی سمینار د معمول سره سم د قران پاک په څو مبارکو ایاتونو سره پیل شو.د یاد سمینار پرمهال د علمي څېړنو مرستیال پوهندوی دوکتور عبدالوهاب حکمت د ښه راغلاست وينا تر څنګ د نورو ریاستونو استازو څخه مننه وکړه چې د پوهنتون سره وخت په وخت هماهنګي کوي، د دې تر څنګ ښاغلي حکمت وويل، چې پوهنتونونه د نویو تیوریو د انکشاف مرکزونه دي او باید له نورو اړونده ادارتو سره وخت په وخت خپلې طرحې شریکې کړي او د یو سمینار په ډول سره وړاندې شي.
یاد سمینار کې د عضوي کرنې پر میتودونو، عضوي کرنې ته زمینه سازي،د عضوي کرنې رایج کېدلو، عضوي کرنې په ګټو، د عضوي کرنې سرټیفیکټ اخیستنې تر څنګ په یوشمېر نورو موضوعاتو بحث وشو.
د سمینار په ورستیو کې د ګډون والو پښتنو ته د دوکتور عبدالوهاب حکمت له لوري ځواب ورکړل شو او د دعایې په ویلو سره پای ته ورسېده.
