د پکتیا پوهنتون کمپيوټر ساینس پوهنځي د څلورمو ټولګيو محصلانو د پروژو او مونوګرافونو څخه د دفاع لړۍ پیل شوه.
د پکتیا پوهنتون کمپيوټر ساینس پوهنځي د څلورمو ټولګيو محصلانو د پروژو او مونوګرافونو څخه د دفاع لړۍ پیل شوه.
سه شنبه د ۱۴۴۷ ه ق کال صفرالمظفــــــــــــــــــــــــــــــــر میاشتې څلورمه، چې د ۱۴۰۴ ه ش کال زمري میاشتې له ۷مې، سره سمون لري، د پکتیا پوهنتون کمپيوټر ساینس پوهنځي د څلورمو ټولګيو محصلانو د پروژو او مونوګرافونو څخه د دفاع لړۍ پیل شوه.
په دې مناسبت جوړ شویو مراسمو کې د پکتیا پوهنتون رئیس مولوي صاحب عبدالحکیم حمدي، د پوهنتون مرستیالانو د کمپیوټر ساینس پوهنځي استادانو او محصلانو برخه درلوده، پیل یې د معمول سره سم د قران کریم په څو مبارکو ایاتونو سره وشو.
لومړی د پکتیا پوهنتون کمپيوټر ساینس پوهنځي رئیس پوهنمل ګلاب جان سجاد د جوړ شویو مراسمو برخوالو استادانو او محصلانو ته ښه راغلاست او هرکلی وویلو او له ټولو څخه یې مننه وکړه، چې ورسره د څلورمو ټولګيو محصلانو د پروژو او مونوګرافونو څخه د دفاع لړۍ پیل مراسمو برخوال دي.
همدارنګه مراسمو ته د پکتیا پوهنتون علمي څېړنو مرستیال پوهندوی دوکتور عبدالوهاب حکمت په پوهنتونونو او تحصیلي مرکزونو کې د څېړنو پر ارزښت او اهمیت خبرې او وینا وکړه.
ښاغلي حکمت د څلورمو ټولګیو محصلانو لپاره د پروژو ترسره کول هم خورا مهم یاد کړل، چې پر اساس یې محصلان نورو څېړو او تحقیق ته هڅول کیږي.
ورپسې د پکتیا پوهنتون کمپیوټر ساینس پوهنځي د څلورمو ټولګیو یو شمېر محصلینو له خپلو پروژو او مونوګرافونو څخه دفاع وې ترسره کړې، چې د برخوالو له لوري یې ستړې او کوښښونه د ستاینې وړ وبلل شول.
وروسته د پکتیا پوهنتون عمومي رئیس مولوي صاحب عبدالحکیم حمدي خبرې او وینا وکړه، نوموړي په خپلو خبرو کې له هغو محصلینو څخه چې پروژې یې ترسره کړې وې د مننې ترڅنګ هغوئ وهڅول چې پوره هڅه یې کړې او په ښه شکل سره یې خپلې پروژې ترسره کړې دي.
