د افغانستان علومو اکاډمۍ پکتیا پوهنتون سره د سلو په شاوخوا کې د علمي کتابونو مرسته وکړه.

د افغانستان علومو اکاډمۍ پکتیا پوهنتون سره د سلو په شاوخوا کې د علمي کتابونو مرسته وکړه.
د علومو اکاډمي د علمي څېړنو او مطالعاتو رییس ښاغلي څېړندوی محمد سرور احمدزي له خوا پکتیا پوهنتون عمومي کتابتون سره د سلو په شاوخوا کې بېلابیل تحقیقي او تخلیقي کتابونه مرسته وشوه.
دا په داسې حال کې ده، چې پخوا هم یادې ادارې پکتیا پوهنتون سره د کتابونو او نورو علمي برخو کې مرستې کړي.
د علومو اکاډمي لوی رییس ښاغلي څېړنوال دوکتور عبدالظاهر شکیب د پکتیا پوهنتون له رییس پوهندوی دوکتور سیدولي جلالزي سره ژمنه وکړه، چې په نیږدې راتلونکې کې به د دواړو ادارو لخوا د همکاریو ګډ تړونلیک لاسلیک شي او یادې ادارې به په مختلفو برخو کې له یو بل سره همکاري کوي، چې دغه ګډې همکارۍ او ګډ کار به د دواړو ادارو د لا پرمختګ لامل شي.
اداره