د ۱۴۰۱ کال، جوزا ۳۰ مه، پکتیا پوهنتون
د ۱۴۰۱ کال، جوزا ۳۰ مه، پکتیا پوهنتون
په پکتیا پوهنتون کې د پوهنځیو ترمنځ د کرکټ پیل شوې سیالۍ پای ته ورسېدې.
د کرکټ دغه ســیالۍ د اتو لوبډلو ترمنځ په دولسو ورځو کې ترسره شـــــــوې، چې تېره ورځ د اقتصـــاد او کرنې پوهنځي لـــــــوبډلو ترمنځ پای لوبه وشوه او اقتصـاد لوبډلې په شپږو ویکټو سره مقابل ټېم ته ماتي ورکړه او لوبه یې پر خپل نوم کړه.
د پکتیا پوهنتون رئیس پوهنمل عبیدالله اخندزاده د سپورت له مســـؤلینو څخه مننه وکړه او دواړه لوبډلې٬ چې پای لوبې ته یې لار موندلې وه، لوبغاړي یې په ډالیو ونازول.
د یادونې وړ ده، چې پکتیا پوهنتون کې د سپورت مسؤلینو وويل: له دا ډول لــــــوبو څخه یې هـــدف لوبو ته د ځوانانو هڅــــول او د پوهنتون لپاره د یوې غوره او منتخبې لوبډلې جوړول دي.
نشراتو او عامه اړیکو عمومي مدیریت