۱۴۴۵/۵/۲۲ پکتيا پوهنتون
۱۴۴۵/۵/۲۲ پکتيا پوهنتون
د پکتیا پــوهنتون ښـــــــوونې او روزنې پوهنځي اړوند لومړي ټولګي زده کړیالانو ته د ښه راغلاست، هر کلي ویلو او له پوهنتون سره د بلدتیا په پار غونډه ترسره شوه.
ناسته کې چې د پوهنتون علمي چارو مرستیال پوهنمل عبدالله مسلم، د دعوت او ارشاد امر مولوي محمد خان روحاني، د ښوونې او روزنې پوهنځي استادانو او محصلینو برخه درلوده، پیل یې له معمول سره سم د قران پاک په څو مبارکو ایاتونو سره وشو.
لومړی د ښوونې او روزنې پوهنځي رئیس زاهدالرحمن زاهد د ناستې ګـــــــــــډونوالو او نویو بریالي شویو محصلانو ته ښه راغلاست او هرکلی وویلو.
ورپسې د پوهنتون علمي چارو مرستیال پوهنمل عبدالله مسلم د ناستې ګډونوالو ته د ښه راغلاست ویلو ترڅنګ د محصلینو ترمنځ پر همغږي، هدف ته د رسېدلو لپاره پراخه هڅه او له وخت څخه د سالمې استفادې په اړه مالومات له ګډونوالو سره شریک کړل.
همدارنګه د سلامي ثقافت څانګې امر او استاد پوهنمل عبدالرحمن مبشر په ټولنه کې د عصري علومو پر ارزښت، اهمیت او ورته د اړتیا او ضرورت په اړه بشپړه مالومات نویو بریالي شویو محصلینو ته ورکړل.
د پکتیا پوهنتون د دعوت او ارشاد امر مولوي محمد خان روحاني محصلین خپلو مسؤلیتونو او دندو ته چې لري یې متوجې کړل او هغوئ یې د ژوند په ټولو چارو کې چې ترسره کوي یې اخلاص او دیانت ته را وبلل.
غونډه د تېر سمستر غوره محصلینو ته د ستاینلیکونو پر وېشلو او دعایې ویلو سره پای ته ورسېده.
نشراتو او عامه اړیکو عمومي مدیریتـــــــــ
