د ۱۴۰۱ کال، جوزا دریمه، پکتیا پوهنتون

pu_admin
چهارشنبه ۱۴۰۱/۳/۴ - ۱۳:۳۴

د ۱۴۰۱ کال، جوزا دریمه، پکتیا پوهنتون پکتیا پــــوهنتون د ښــــــوونې او روزنــــې پوهنځي له لوري ددغه پوهنځي لومړي ټولګي محصلینو ته د ښه راغلاست غونډه وشوه. په جوړو شویو مراسمو کې٬ چې د ښوونې او روزنې پوهنځي رئیس پوهنیار عبدالله مسلم، څانګو امرینو، استادانو او محصلینو برخه درلوده، د کلام الله په څو مبارکو ایاتونو پیل شوه. لومړی د ښوونې او روزنې پوهنځي رئیس پوهنیار عبدالله مسلم د ښه راغلاست وینا وکړه، نوموړي محصلینو ته په خطاب کې وویل: لوړې زده کړې٬ چې ستاسو د والدینو او کورنۍ لویه هیله ده٬ باید پوره یې کړئ. هغه د ښوونې او روزنې پر ارزښت او اهمیت هم خبرې وکړې او زده کړیالان یې وهڅول٬ چې په ښه شان سره خپلو زده کړو ته دوام ورکړي. ورپسې پوهنمل استاد عتیق الله سلطاني د پکتیا پوهنتون پر پېژندنه، تاریخچه، لاسته راوړنو او پرمختګونو ورکشاپ وړاندې کړ. ناسته د دعا په ویلو سره٬ پای ته ورسېده. نشراتو او عامه اړیکو عمومي مدیریت.