د ۱۴۰۱ کال، وږي ۲۳ مه، پکتیا پوهنتون
د ۱۴۰۱ کال، وږي ۲۳ مه، پکتیا پوهنتون
د علمي شورا نوبتي ناسته د علمي مرستیال پوهنمل سیف الرحمن روهي تر رهبري لاندې وشوه.
ناسته کې چې د محصلانو چارو مرستیال پوهنمل محمد نعیم وصال، مالي او اداري چارو مرستیال سیف الله محمدي پوهنځیو رئیسانو، امرینو او استادانو برخه درلوده، پیل یې د قرانکریم په څو مبارکو ایاتونو وشو.
لومړی د علمي چارو مرستیال پوهنمل سیف الرحمن روهي د ناستې ګډونوالو ته د ښه راغلاست ویلو ترڅنګ وویل: د کادري روغتون د پوره فعالولو هڅه کوي او ژر به د لوړو زده کړو وزارت او همکارو مؤسسو په مرسته ددې شاهدان واوسي، چې کادري روغتون د ناروغانو او ناروغ لرونکو لپاره خپل خدامات په پوره توان پیل کړي.
ناسته کې د محصلانو چارو مرستیال پوهنمل محمد نعیم وصال د شل فیصده ازموینو په اړه یو شمېر مسائل د علمي شورا له غړو سره شریک کړل.
وروسته د علمي شورا غړو ترمنـــــځ پر بېلا بېلو موضوعاتو لکه: د استادانو پر علمي ترفېعاتو، علمي رتبو پر تثبیت ، د ځینو ډيپارټمنټونو د چارو پر انسجــــام او په اجنډا کې شاملــو نـــورو مــوضوعاتو بحث وشو، د یو شمېر مسایلو په اړه وروستی تصمیم هم ونیول شو.
ناسته د اختتامیه دعا په ویلو سره پای ته ورسېده.
د نشراتو او عامه اړیکو عمومي مدیریت
