لوړو زده کړو زوارت نن ورځ ۱۴۰۳ هـ.ش، د لیندۍ ۲۱مه، چهارشنبه
لوړو زده کړو زوارت نن ورځ
۱۴۰۳ هـ.ش، د لیندۍ ۲۱مه، چهارشنبه
لوړو زده کړو وزارت
د لوړو زده کړو وزارت رهبري شورا د پرېکړې پر بنسټ د (۱۱) خصوصي تحصیلي نهادونو جوازونه لغوه شول، یادو نهادونو علمي، تدریسي او اداري اصولو ته نه ژمنتیا، خیالي قراردادي استادانو شتون، د خیالي محصلینو درلودل، د اصولو مطابق د رهبرۍ او اداري کارکوونکو نه درلودل او یو لړ نورې مکررې سرغړونې د دې لامل شوې، چې جوازونه یې لغوه شول.
هرات پوهنتون
د هرات پوهنتون بېلابېلو پوهنځي د تحصیلي خدمتونو د کیفیت ښه والي او د اداري چارو اسانتیا په موخه په نویو تجهیزاتو سنبال شول، چې مانیټرونه، پروجکټورونه، پرنټرونه، میزونه، چوکۍ او المارۍ پکې شاملې دي.
فراه لوړو زده کړو مؤسسه
د فراه لوړو زده کړو مؤسسې کرنې پوهنځي محصلانو ته په ( کرنه کې د څېړنو اساسات او تجربوي طرحې له پروپوزل ليکنې څخه تر ډيټا اخيستنې ډولونو پورې) تر سرلیک لاندې پیل شوی ۲۲ ورځنی څېړنیز کورس پای ته ورسېد.
د فراه لوړو زده کړو مؤسسې محصلانو ته (د اسلام له نظره د والدينو او استاد مقام) اصلاحي سمينار وړاندې شو.
کندهار پوهنتون
د کندهار پوهنتون د علمي څېړنو او مجلو معاونیت په همکارۍ د کندهار ابراهیم النخعي ؒ جامعې استادانو او فاضلانو ته د تېزس او علمي څېړنې پیل شوی شپږ ورځنی ورکشاپ پای ته ورسېد.
نیمروز لوړو زده کړو مؤسسه
د نیمروز لوړو زده کړو مؤسسې شرعیاتو پوهنځي له لوري په لاره اچول شوې د مقاله لیکلو سیالۍ ممتاز محصلینو ته جایزې ورکړل شوې.
بامیان پوهنتون
بامیان پوهنتون کې علمي کنفرانس جوړ شو، چې د بامیان، غور او پکتیکا تحصیلي نهادونو استادانو له لوري پکې ۷ بېلابېلې علمي مقالې او څېړنیزې پایلې وړاندې شوې.
ننګرهار پوهنتون
د ننګرهار پوهنتون شاوخوا ۵۰ تنو اداري کارکوونکو ته د پلان جوړونې ورکشاپ جوړ شو.
پروان پوهنتون
پروان پوهنتون کې د (اسلام اعتقادي نظام) سيالۍ ازموينې چې د یاد پوهنتون د سلګونو تنو محصلينو په ګډون اخیستل شوې وه، پايلې اعلان او غوره ګډونوال یې په مادی او معنوي ډالیو ونازول شول.
لغمان پوهنتون
د لغمان پوهنتون یو شمېر استادانو او محصلینو غزني پوهنتون ته پیل کړي دري ورځني علمي سفر په ترڅ کې د یاد پوهنتون له بېلابېلو برخو څخه د لیدني ترڅنګ، د غزني ولایت د اطلاعاتو کلتور ریاست، تاریخي ځایونو او آبداتو څخه لیدنه وکړه.
بلخ پوهنتون
په بلخ پوهنتون کې يو شمېر اداري او خدماتي کارکوونکي، چې د دعوت ارشاد آمريت په درسونو کې وتیا ښودلې وه، د یاد آمریت له لوري په ستاينليکونو ونازول شول.
