د ۱۴۰۰ کال، کــب ۲۳ مه، پکـتیا پـوهنـتون
د ۱۴۰۰ کال، کــب ۲۳ مه، پکـتیا پـوهنـتون
د پکتیا پوهنتون ژبو او ادبیاتو پوهنځۍ رئیس پوهنیار رحیم الله داوودزی وايي، هره ورځ یې په پوهنځۍ کې د څلورمو ټولګیو لسګونه زده کړیالان له خپلو مونوګرافونو څخه دفاع کوي.
نوموړی وایي د زده کړیالانو لخوا اخیستل شوي موضوعات په ډېر ښه ډول تعقیب شوي او په ورکړل شویو موضوعاتو یې محصلینو پوره معلومات راټول کړي.
عبدالله عابد د ژبو او ادبیاتو پوهنځۍ څلورم ټولګي له هغو محصلینو څخه دی، چې مونوګراف یې دفاع کړی.
هغه وایي خوښ دی چې په بریالیتوب سره یې خپل مونوګراف دفاع کړ ، خو هیله یې راتلونکي ته ده، چې خپلو موخو ته ورسیږي.
د یادونې وړ بولو، چې په ۱۴۰۰ هجري شمسي کال کې پکتیا پوهنتون د ژبو او ادبیاتو پوهنځۍ په څلورو څانګو پښتو، دری، انګلیسي او ژورنالیزم کې ټول ټال ۷۶۰ زده کړیالان درلودل.
نـشــــراتو او عــامه اړیـکو عــمـــــومي مــدیریـــت
