د ۱۴۰۲ کال، جوزا ۲۸مه، پکتیا پوهنتون

نن یکشنبه د جوزا میاشتې (۲۸)مه چې د ذی القعدې له (۲۹)مې سره سمون لري، د پکتیا پوهنتون تضمین کیفیت کمېټې غړو ناسته ددې پوهنتون د رئیس پوهنمل عبیدالله اخندزاده تر مشرۍ لاندې دائره شوه.
ناسته کې چې د علمي چارو مرستیال پوهندوی سیف الرحمن روهي، مالي او اداري چارو مرستیال سیف الله محمدي، د تضمین کیفیت امر پوهنمل نوراجان عاطف او د کمېټې غړو برخه درلوده، پیل یې له معمول سره سم د قران پاک په څو مبارکو ایاتونو سره وشو.
لومړی د پوهنتون رئیس پوهنمل عبیدالله اخندزاده ګډونوالو ته د ښه راغلاست او هر کلي ویلو تر څنګ د تضمین کیفیت دریم پړاو ته د چارو ښه تنظیم په موخه مننه وکړه.
ښاغلي اخندزاده همدارنګه له استادانو څخه وغوښتل چې د تل په څېر چارې لا منظمې او ګړندۍ کړي، تر څو وکولای شي د تضمین کیفیت دریم پړاو په خورا ښه شکل طی مراحل کړي.
همدارنګه د علمي چارو مرستیال پوهندوی سیف الرحمن روهي له ګډونوالو څخه د مننې ترڅنګ  د پوهنتون په داخل کې د تشکیل شویو کمېټو د چارو د ښه تنظیم ډاډ ورکړ او پر خبره یې کومې برخې چې نیمګړتیاوې لري، دوی او د کمېټو غړي استادان هڅه کوي ژر یې حل کړي.
وروسته ناسته کې له اجنډا سره سم د لابراتوارونو د چارو ښه تنظیم، د تضمین کیفیت لپاره عملیاتي پلان، د یو شمېر کمېټو لپاره د موادو پر جوړښت او  نورو موضوعاتو بحث وشو او د ځینو مسائلو په اړه وروستی تصمیم هم ونیول شو.

نشراتو او عامه اړیکو عمومي مدیریت